លោកជំទាវ ឆាយ វ៉ាន់នឿន ចុះតាមដានវាយតម្លៃលើការអនុវត្ត អនុសាសន៍សម្ដេចតេជោ ពាក់ព័ន្ធការលើកកម្ពស់ស្រី្ដ
25-December-2015 | ដោយ មួយឡា
ត្បូងឃ្មុំ៖ ដើម្បីសម្របសម្រួល និងផ្ដល់យោបល់ជូនរាជរដ្ឋាភិបាល លើបញ្ហាដែលទាំកទងដល់ការលើកកំពស់ស្ថានភាព តួនាទីរបស់ស្ត្រី និងសុខុមាលភាពសង្គមស្ត្រីកម្ពុជា សំដៅកាត់បន្ថយឈានទៅ លុបបំបាត់រាល់ទំរង់នៃការរើសអើងប្រឆាំងនឹងស្ត្រី និងអំពើហឹង្សាលើស្ត្រី។
នាព្រឹកថ្ងៃទី២៤ ខែធ្នូ ឆ្នាំ២០១៥ នៅសាលាខេត្តត្បូងឃ្មុំ បានរៀបចំពិធីវាយតម្លៃ លើការអនុវត្ត អនុសញ្ញាCEDAW អនុសាសន៍សម្ដេចតេជោនាយករដ្ឋមន្ត្រី និងច្បាប់ជាតិពាក់ព័ន្ធដែលទាក់ទង នឹងការលើកកម្ពស់ស្ថានភាព ជីវភាព ឋានៈ តួនាទី និងសុខុមាលភាពស្ត្រីនៅខេត្តត្បូងឃ្មុំ ។
ពិធីនេះ ប្រារព្ធធ្វើឡើងក្រោមអធិបតីភាព លោកជំទាវ ឆាយ វ៉ាន់នឿន សមាជិកក្រុមប្រឹក្សាជាតិកម្ពុជាដើម្បីស្ត្រី និងជារដ្ឋលេខាធិការទីស្ដីការគណៈរដ្ឋមន្ត្រី និងមានការអញ្ចើញចូលរួមពី លោក លោកស្រី គណៈប្រតិភូក្រសួង ថ្នាក់ដឹកនាំមន្ទីរ អង្គភាពជុំវិញខេត្ត និងមន្ត្រីដែលពាក់ព័ន្ធជាច្រើនរូបទៀត។
ការចុះតាមដានវាយតម្លៃលើការអនុវត្ត អនុសញ្ញាCEDAW និងច្បាប់ជាតិពាក់ព័ន្ធដែលទាក់ទងនឹងការលើកកម្ពស់ស្ថានភាព ជីវភាព ឋានៈ តួនាទី និងសុខុមាលភាពស្ត្រី នៅខេត្តត្បូងឃ្មុំនេះ មានគោលបំណង ស្ដាប់របាយការណ៍ និងស្វែងយល់ពី បញ្ហាប្រឈមនិងវិធានការទាំងឡាយលើការអនុវត្តច្បាប់ជាតិ អន្តរជាតិ និងអនុសាសន៍ដ៏ខ្ពង់របស់សម្ដេចតេជោនាយករដ្ឋមន្ត្រី ក្នុងការលើកកម្ពស់សា្ថនភាព ជីវភាព ឋានៈ តួនាទី និងសុខុមាលភាពស្ដ្រីនៅកម្ពុជា និងបង្ហាញពីយន្តការជាតិរចនាសម្ព័ន្ធ សមាសភាព និងតួនាទី ភារៈកិច្ចរបស់ក្រុមប្រឹក្សាជាតិកម្ពុជាដើម្បីស្ត្រីផងដែរ ៕
ប្រភព៖ ទំព័ររដ្ឋបាលខេត្តត្បូងឃ្មុំ
ចំនួនអ្នកទស្សនា
- ថ្ងៃនេះ7761
- ម្សិលមិញ10901
- សប្តាហ៍នេះ23141
- ខែនេះ45021
- ឆ្នាំនេះ45021
- សរុប20487477